Khmer Dictionary: បញ្ជា

Chuon Nath's Khmer-Khmer Dictionary

បញ្ជា ( កិ.កិរិយាសព្ទ )
បង្គាប់; ផ្ដាំផ្ញើ; ច្រើននិយាយថា បង្គាប់បញ្ជា គឺបង្គាប់មានកម្រិត ឬបង្គាប់ដោយដាច់ខាត (ច្រើនប្រើជា រ. ស.) : គ្រូបញ្ជាពួកសិស្សឲ្យធ្វើហត្ថកម្ម ។
បញ្ជា ( ន.នាមសព្ទ )
ពាក្យបង្គាប់; ពាក្យផ្ដាំផ្ញើ; ច្រើនប្រើជាបទសមាស (រ. ស.) : ព្រះរាជបញ្ជា, ទេវបញ្ជា (ម. ព.មើលពាក្យ ( ចូរមើលពាក្យ . . . ) ទាំងនោះ) ។
បញ្ជាការ ( ន.នាមសព្ទ )
ការបង្គាប់; អ្នកបង្គាប់ : ធ្វើតាមបញ្ជាការ; អ្នកបញ្ជាការ (ព. ខ្ព) ។
បញ្ជាក់ ( កិ.កិរិយាសព្ទ )
ធ្វើឲ្យជាក់ : បញ្ជាក់សេចក្ដី ។
បញ្ជាន់ ( កិ.កិរិយាសព្ទ )
ធ្វើឲ្យជាន់; ឲ្យដើរជាន់ :
- បញ្ជាន់ស្រូវ គឺដឹកគោឬក្របីឲ្យដើរជាន់កណ្ដាប់ឲ្យជ្រុះគ្រាប់ស្រូវ ។
បញ្ជាន់ត្រស្ដិ ( ន.នាមសព្ទ ) [--ត្រស់ ]
ឈ្មោះព្រះរាជពិធីមួយប្រភេទ ក្នុងកម្ពុជរដ្ឋយើងពីក្នុងសម័យបុរាណរាជ្យអំពីដើម; ពិធីនេះធ្វើនៅវេលាយប់ ១៤ រោចខែផល្គុន មាននិមន្តព្រះភិក្ខុសង្ឃសូត្រភាណយក្ខ ក្នុងព្រះបរមរាជវាំង, មានបាញ់កាំភ្លើងធំម្ដងៗគ្រប់ទិសទាំង ៤, មានជិះដំរីបណ្ដេញរូបអារក្សដែលកំពុងជាន់ (ធ្វើពេញមួយយប់ទាល់ព្រឹក) សម័យឥឡូវ, លើកលែងតែជិះដំរីបណ្ដេញរូបអារក្សចេញ, ឯរបៀបក្រៅពីនោះនៅទាំងអស់ (ម. ព.មើលពាក្យ ( ចូរមើលពាក្យ . . . ) ត្រស្ដិ ផង) ។
បញ្ជាប់ ( កិ.កិរិយាសព្ទ )
ភ្ជាប់, ធ្វើឲ្យជាប់ពាក្យតាមដំណើរដែលប្ដេជ្ញា (មិនសូវប្រើ, ច្រើនពាក្យថា ភ្ជាប់ ជាជំនួស) ។
បញ្ជាប់ពាក្យ ( កិ.កិរិយាសព្ទ )
ជូនទ្រព្យរបស់អ្វីមួយទៅតាមមាតាបិតាខាងស្រី ទុកជាភ័ស្ដុតាងជារបស់បញ្ចាំចិត្តភ្ជាប់មេត្រីក្នុងការចងពន្ធ : ស៊ីស្លាបញ្ជាប់ពាក្យ (ប្រើតែក្នុងទម្រង់ការអាពាហ៍ពិពាហ៍) ។
បញ្ជាប់ព្រលឹង ( កិ.កិរិយាសព្ទ )
យកអំបោះមង្គលចងកដៃហើយឲ្យទ្រព្យរបស់អ្វីនីមួយ ដោយសន្មតិថា ភ្ជាប់ព្រលឹងឲ្យស្ថិតនៅបរិបូណ៌ក្នុងរូបអ្នកនោះ : ចងដៃបញ្ជាប់ព្រលឹង (ប្រើតាមសណ្ដាប់ព្រាហ្មណ៍) ។

Headley's Khmer-English Dictionary

បញ្ជា ( v ) [bɑɲcie] - detail »
to command, order, give instructions; to operate (machinery); to produce, cause, give rise to n order, command
Eg. ឲ្យកម្មករចេះបញ្ជាម៉ាស៊ីន: to teach the workers how to operate the machinery
បញ្ជាក់ ( v ) [bɑɲceak] - detail »
to confirm, verify, certify; to clarify, explain; to indicate; to prove; to show; to determine; to announce, declare, claim; to order; to conform to
Eg. ក្នុងរបាយការណ៍របស់លោក បានបញ្ជាក់ថានៅខេត្តបាត់ដំបងមានមន្ទីរឃុំឃាំងសំងាត់ចំនួន២: In his report he claimed that there were two secret detention centers in Battambang Province.
បញ្ជាន់ ( v ) [bɑɲcoan] - detail »
to trample; to make buffaloes / cattle walk on the grain stalks in order to thresh them, cause to tread on
បញ្ជាន់ ( v ) [bɑɲcoan] - detail »
to cause / encourage (a spirit) to enter (the body of) a medium
បញ្ជាប់ ( v ) [bɑɲcoap] - detail »
to unite, join, connect, link, attach; to enclose in a letter; to confirm, clinch (a deal)