Khmer Dictionary: ទោ

Chuon Nath's Khmer-Khmer Dictionary

ទោ ( ប. សំ.បកតិសំខ្យា ( ប្រើត្រឹមតែ សំខ្យា. គឺសំខ្យាសព្ទ ក៏មាន ) ) ( បា.បាលី ( បាលីភាសា ) )
(ទ្វិ > ទោ) ពីរ ។ ខ្មែរយើងប្រើតាមទម្លាប់ ជាបូរណសំខ្យាថា ទីពីរ ក៏បាន : សម្រាប់ទោ, ថ្នាក់ទោ, យ៉ាងទោ, ជាន់ទោ គឺសម្រាប់ទីពីរ, ថ្នាក់ទីពីរ, យ៉ាងទីពីរ, ជាន់ទីពីរ (ថ្នាក់លេខពីរ) ។
ទោង ( ន.នាមសព្ទ )
ប្រដាប់មានសណ្ឋានជាកន្លែងអង្គុយ មានដងឬខ្សែពីរចងសំយុងសងខាងសម្រាប់ចាប់យោគយោល : យោលទោង ។ ប្រដាប់មានសណ្ឋានដូច្នោះ សម្រាប់ដាក់បន្តោករបស់វែងធ្ងន់ដូចយ៉ាងសសរធំឬឈើហុបជាដើម ដើម្បីឲ្យស្រួលសែងក៏ហៅ ទោង ដែរ ។
ទោច ( ន.នាមសព្ទ )
សត្វព្រៃពួកស្វា មានជើងពីរដៃពីរវែងៗឥតកន្ទុយ : ទោចឡើងដើមឈើរតេវរតាវ ។
ទោចក្រយាន ( ន.នាមសព្ទ ) [--ច័ក-ក្រៈ យាន ] ( បា.បាលី ( បាលីភាសា ), សំ.សំស្រ្កឹត ( ភាសាសំស្រ្កឹត ) )
យានមានកង់ពីរ : ជិះទោចក្រយាន, ប្រណាំងទោចក្រយាន ។ ព. សា. កង់, រទេះកង់ ។
ទោណ ( ន.នាមសព្ទ ) [ទោណៈ ឬ ទោន ] ( បា.បាលី ( បាលីភាសា ), សំ.សំស្រ្កឹត ( ភាសាសំស្រ្កឹត ) )
(ទ្រោណ) ឈ្មោះចំនួនដែលវាស់ឬដែលថ្លឹងមួយយ៉ាងប្រមាណ ១៦ នាឡិធម្មតា (ពាក្យនេះប្រើតែពីក្នុងសម័យបុរាណយូរអង្វែងណាស់ទៅហើយ; សព្វថ្ងៃនេះមានប្រើតែក្នុងរឿងព្រះពុទ្ធសាសនា) : អង្ករមួយទោណ ។
ទោណព្រាហ្មណ៍ ( ន.នាមសព្ទ ) [ទោណៈព្រាម] ( បា.បាលី ( បាលីភាសា ) )
ឈ្មោះព្រាហ្មណ៍មួយរូប ជាប្រធានចាត់ចែងបូជាព្រះបរមសពព្រះសម្មាសម្ពុទ្ធ និងបានចែកព្រះបរមសារីរិកធាតុរបស់ព្រះពះពុទ្ធទៅឲ្យក្សត្រផ្សេងៗ ទាំង ៨ នគរ ។
ទោម ( ន.នាមសព្ទ )
ឈ្មោះសត្វស្លាបពួកមួយ ជើងវែង សម្បុរលាយចម្រុះខៀវ, ស, ក្រហម, ទំហំស្រដៀងគ្នានឹងមាន់ទឹកច្រើនរស់នៅលើត្រឹប ។
ទោម ( ន.នាមសព្ទ )
រង្វាស់វែងប្រវែងពីត្រឹមចុងមេដៃទៅចុងចង្អុលដៃ ដែលញែកឲ្យតឹងកន្ធែកពីគ្នា : ប្រវែង ១ ទោម, ២ ទោម ។ ព. ផ្ទ. ចំអាម ។
ទោមនស្ស ( ន.នាមសព្ទ ) [ទោមៈនាស់] ( បា.បាលី ( បាលីភាសា ) )
សេចក្ដីតូចចិត្ត, សេចក្ដីអាក់អន់ចិត្ត : ចិត្តប្រកបដោយទោមនស្ស, មានទោមនស្ស ។
ទោរ ( កិ. វិ.កិរិយាវិសេសនៈ ឬ កិរិយាវិសេសន៏, គុ.គុនសព្ទ )
ដែលទ្រេតឈោងទៅខាងនាយឬមកខាងអាយ : មែកឈើទោរទៅរកផ្លូវ; ស្រវឹងទោរ ។
- ទោរទន់ ឬ - ទន់ទោរ ដែលអនុលោមតាម; ទន់ភ្លន់ : មានចិត្តទោរទន់ទៅរក...។

1 2 3 Next >>

Headley's Khmer-English Dictionary

ទោ ( num ) [tou] - detail »
two; second
ទោង ( n ) [touŋ] - detail »
swing
ទោង ( n ) [touŋ] - detail »
derrick, hoist
ទោច ( n ) [touc] - detail »
crowned gibbon (Hylobates pileatus)
ទោណ ( n ) [toun] - detail »
measure of weight or volume equal to about 16 lbs.
ទោម ( n ) [toum] - detail »
hand span (measurement of length from the tip of the thumb to the tip of the extended index finger) (compare ចំអាម )
ទោម ( n ) [toum] - detail »
kind of bird, sultan hen
ទោមនស្ស ( n ) [toumeaʔnoah] - detail »
dissatisfaction, discontent, displeasure, annoyance, disgust; disappointment.
ទោមនស្ស ( adj ) [toumeaʔnoah] - detail »
to be frustrated, dissatisfied, disgusted
ទោម្នេញ ( adj ) [toumnɨɲ] - detail »
to be angry, upset, frustrated, disappointed

Next >>