Khmer Dictionary: ទុគ្គត

Chuon Nath's Khmer-Khmer Dictionary
  1. ទុគ្គត ( ន.នាមសព្ទ ) [ទុក-គត់ ឬ ទុក-គៈ តៈ ] or ទុគ្គតៈ   ( បា.បាលី​ ( បាលីភាសា ), សំ.សំស្រ្កឹត ( ភាសាសំស្រ្កឹត ) )
    (ទុគ្គត; ទុគ៌ត) ដែល​ដល់​នូវ​សេចក្ដី​លំបាក គឺ​ដែល​ទ័ល​ក្រ, ដែល​ក្រីក្រ​ទ្រព្យ, ដែល​ខ្សត់​ទ្រព្យ : មនុស្ស​ទុគ្គត ។
    - ទុគ្គត​បណ្ណាការ (ទុក-គៈតៈប៉័ន-ណា-កា) ន. (បា.; សំ. ទុគ៌ត + បណ៌ាការ) បណ្ណាការ, ភ័ស្ដុភារ (តង្វាយ, ជំនូន) របស់​អ្នក​ក្រីក្រ : វត្ថុ​ទាំង​នេះ​ជា​ទុគ្គត​បណ្ណាការ​របស់​យើង​ខ្ញុំ...។
    - ទុគ្គតបុរស (ទុក-គៈតៈ បុរ៉ស់) ន. (បា. ក្ល.; បា. ទុគ្គតបុរិស; សំ. ទុគ៌ត + បុរុឞ) បុរស​ខ្សត់​ទ្រព្យ : ធ្វើ​ម្ដេច ខ្លួន​ខ្ញុំ​ជា​ទុគ្គត​បុរស...។
    - ទុគ្គតភាព (ទុក-គៈតៈភាប) ន. (បា. ក្ល.; បា. ទុគ្គតភាវ; សំ. ទុគ៌ត + ភាវ) ភាព, បែបបទ, សណ្ដាប់, សណ្ដាប់ធ្នាប់​នៃ​អ្នក​កម្សត់, សេចក្ដី​ក្រីក្រ : រក​ស៊ី​តាម​ទុគ្គតភាព, ចេះ​ប្រើ​ឫកពា​សម​គួរ​តាម​ទុគ្គតភាព ។
    - ទុគ្គតមនុស្ស (ទុក-គៈតៈមៈនុស) ន. (បា.; សំ. ទុគ៌ត + មនុឞ្យ) : មនុស្ស​ខ្សត់​ទ្រព្យ : ខ្ញុំ​ក្រឡេក​ទៅ​ឃើញ​ពួក​ទុគ្គត​មនុស្ស លើក​ដៃ​ច្រូង​ស្រែក​សុំ​ទាន ក៏​កើត​មាន​សេចក្ដី​អាណិត​ទន់​ចិត្ត...។
    - ទុគ្គតា (ទុក-គៈតា) ន. ស្រ្តី​ទុគ៌ត, ស្រ្តី​ទ័ល​ក្រ ។
    - ទុគ្គតាហារ (ទុក-គៈ--) ន. (បា. ទុគ្គត + អាហារ; សំ. ទុគ៌ត + អាហារ) អាហារ​របស់​អ្នក​ខ្សត់​ទ្រព្យ ឬ​អាហារ​សម្រាប់​អ្នក​ក្រីក្រ : ភោជន​នេះ​ជា​ទុគ្គតាហារ, យើង​ជា​អ្នក​ទ័ល​ក្រ​លំបាក, កុំ​រើស​អើង​ពេក, ត្រូវ​បរិភោគ​តែ​ទុគ្គាហារ​ទៅ ! ...។
  2. ទុគ្គត -- or ទុគ្គតា--
    (មើលក្នុង​ពាក្យ ទុគ្គត) ។
  3. ទុគ្គតិ ( ន.នាមសព្ទ ) [ទុក-គៈតិ ]   ( បា.បាលី​ ( បាលីភាសា ), សំ.សំស្រ្កឹត ( ភាសាសំស្រ្កឹត ) )
    (ទុគ៌តិ) ដំណើរ​ទៅ​អាក្រក់; ផ្លូវ​ជាទី​ទៅ​កាន់​កំណើត​អាក្រក់, កំណើត​អាក្រក់; បាន​ខាង​កំណើត​ក្នុង​អបាយភូមិ ៤ នរក, ប្រេត, អសុរកាយ, តិរច្ឆាន ។ ព. ផ្ទ. សុគតិ ។
    - ទុគ្គតិគាមី (ទុក-គៈ--) ន. (បា.) អ្នក​ដែល​ទៅ​កាន់​ទុគ្គតិ, អ្នក​ដែល​បម្រុង​នឹង​ទៅ​កាន់​ទុគ្គតិ​ ឬ​អកុសល​ធម៌​ដែល​នាំ​សត្វ​ទៅ​កាន់​ទុគ្គតិ ។ បើ​ស្ត្រី​ឬ​ធម្ម​ជាតិ​ជា​ទុគ្គតិគាមិនី ។ ព. ផ្ទ. សុគតិគាមី, សុគតិគាមិនី ។
    - ទុគតិភព (ទុក-គៈ-តិភប់) ន. (បា. ក្ល.; បា. ទុគ្គតិភវ) កន្លែង​កើត​នៃ​សត្វ​ដែល​មាន​គតិ​អាក្រក់ គឺ​អបាយ​ភូមិ ៤ : អំពើ​អាក្រក់​តែង​នាំ​សត្វ​ឲ្យ​ទៅ​កើត​ក្នុង​ទុគ្គតិភព ។
    - ទុគ្គតិភូមិ (ទុក-គៈ-តិភូមិ) ន. (បា.) ដូច​គ្នា​នឹង ទុគ្គតិភព (ម. ព.មើលពាក្យ ( ចូរមើលពាក្យ . . . ) នោះ) ។ល។
  4. ទុគ្គតិ
    (មើល​ក្នុង​ពាក្យ ទុគ្គតិ) ។
Headley's Khmer-English Dictionary
  1. ទុគ្គត ( adj ) [tukkʊət, tukkeaʔtaʔ]   - detail »
    to be unfortunate, destitute, miserable; disastrous; poor; lamentable
  2. ទុគ្គតាហារ ( n ) [tukkeaʔtaahaa]   - detail »
    food for the poor
  3. ទុគ្គតិ ( n ) [tukkeaʔteʔ]   - detail »
    the way which leads to evil; origin of evil