Khmer Dictionary: បារាំង

Chuon Nath's Khmer-Khmer Dictionary Full Text Search

កំភ្លឹង ( ន.នាមសព្ទ )
ឈ្មោះប្រទាលមួយប្រភេទ ស្លឹកធំវែងក្រាស់រៀវចុងដូចស្លឹកម្នាស់ តែឥតបន្លា មើមមានស្រទាប់ៗ ដូចមើមខ្ទឹមបារាំង ។
ខ្នុរសម្ល ( ន.នាមសព្ទ )
ឈ្មោះឈើដំណាំមួយប្រភេទ ស្លឹកធំហើយឆែកៗ ដើមបែបម្កាក់បារាំង ផ្លែសម្រាប់ធ្វើសម្ល ។
ត្រណោត ( ន.នាមសព្ទ )
វល្លិ, ចម្រៀកផ្ដៅ, ដើមរពាក់ឬខ្សែជាដើម សម្រាប់ដោតអ្វីៗដែលគូរដោតបាន : ត្រណោតត្រី, ត្រីមួយត្រណោត ។
- កាសមួយត្រណោត គឺកាសចំនួន ១០ តៀន, ក្នុងមួយតៀនមាន ៦០ កាស, មួយត្រណោតត្រូវជា ៦ រយកាស, ដប់ត្រណោតហៅថា មួយបាច់ មាន ៦ ពាន់កាស (មានប្រើតែក្នុងសម័យចាយកាស) ។ ហៅ ហ្រ្វង្សចាស់ (ancien franc) ប្រទេសបារាំងថា ត្រណោតដែរ ហៅដោយធៀបនឹងកាសមួយត្រណោត; ក្នុងសម័យនោះមានសំដីថា ត្រណោតខ្មែរ, ត្រណោតបារាំង ។
- ជាប់មួយត្រណោត ឬ ជាប់ទោសមួយត្រណោត (ព. ប្រ.) គឺជាប់ទោសទាំងមួយពួកឬទាំងមួយក្រុមរួមក្នុងពន្ធនាគារជាមួយគ្នា ។
- ចាប់បានមួយត្រណោត (ព. ប្រ.) គឺចាប់ចោរបានទាំងមួយពួក ហើយដាក់ឃ្នាងឬដាក់ខ្នោះដៃចងភ្ជាប់គ្នាបណ្ដើរទៅកាន់ទីឃុំឃាំង ។
ត្រិល ( កិ. វិ.កិរិយាវិសេសនៈ ឬ កិរិយាវិសេសន៏ )
ដែលប្រព្រឹត្តទៅបានដោយឥតមានទើសទាក់, ដែលចេះតែជាប់តហូរហែ ដូចជារអិលឥតទើសទាក់នឹងអ្វី, រ៉ិល, ច្រិល : គាត់ចេះភាសាបារាំងនិយាយត្រិល (ប្រើជា ត្រុល ក៏មាន, ម. ព.មើលពាក្យ ( ចូរមើលពាក្យ . . . ) នេះផង) ។
ទៀប ( ន.នាមសព្ទ )
ឈ្មោះឈើដំណាំពួកមាក់បាត ជាដំណាំមានដើមទាបៗ ល្មមបេះផ្លែបានដោយងាយ, ផ្លែទុំប្រើជាបង្អែមស្រស់, ទៀបមាន ៣ ប្រភេទគឺ ទៀបបាយឬទៀបសាច់ជ្រាយ មានផ្លែទុំសាច់ជ្រាយងាយរលេះ មានរសផ្អែមឈ្ងុយឆ្ងាញ់; ទៀបស្វិត ឬ ទៀបសាច់ស្វិត មានផ្លែប៉ុនគ្នានឹងទៀបបាយដែរ ប៉ុន្តែមានសាច់ស្វិត មិនងាយរលេះ ទុកបានយូរជាងទៀបបាយ មានរសផ្អែមខ្សោយបន្តិចជាងទៀបបាយ; ទៀបបន្លាឬទៀបទេស មានផ្លែធំច្រឡោ មានពកខ្ពស់ៗ ស្ទើរនឹងហៅថាបន្លាក៏បាន ប៉ុន្តែមិនស្រួចដល់មុតដៃទេ ផ្លែទុំមានសាច់ជ្រាយ មានរសជូរបន្តិចៗ បើដាំនៅដីល្អ មិនសូវជូរប៉ុន្មានទេ; ទៀបនេះមានពូជដំបូងមកពីបរទេស គេច្រើនហៅថា ទៀបបារាំង; តាមទម្លាប់ខ្មែរ, បើពូជដំណាំឬរបស់អ្វីដែលមកពីបរទេស គេច្រើនតែហៅថា...ទេស ដូចជា : ក្ទម្ពទេស, ចេកទេស, ដំឡូងទេស, សេះទេស, សំបួរទេស, សំពត់ទេស ជាដើម, ទៀបបន្លា នេះអ្នកខ្លះគេក៏ហៅ ទៀបទេស ដែរ ។
គីឡូ ( ន.នាមសព្ទ )
(Kilo) បុព្វបទមានន័យថា មួយពាន់ (១.០០០) ។ បារាំងប្រើជា ន. ជាពាក្យបំប្រួញរបស់ពាក្យថា គីឡូក្រាម គឺបើគេនិយាយថា ១គីឡូ ឬ ២ គីឡូ បានន័យថា ទម្ងន់ ១ គីឡូក្រាម ឬ ២ គីឡូក្រាម ។ ចំណែកខ្មែរយើងប្រើពាក្យ គីឡូ នេះសំដៅយកទាំងទម្ងន់ទាំងចម្ងាយដូចជា អង្ករ១គីឡូ គឺអង្ករ ១ គីឡូក្រាម (១.០០០ ក្រាម); ផ្លូវមានចម្ងាយ ១ គីឡូ គឺផ្លូវមានចម្ងាយ ១ គីឡូម៉ែត្រ (១.០០០ ម៉ែត្រ) ។
គោក ( ន.នាមសព្ទ )
ឈ្មោះតំបន់ទួលខ្ពស់មួយ ក្នុងសង្កាត់លេខ ២ ក្រុងភ្នំពេញ ឋិតនៅខាងលិចមណ្ឌលកីឡាក្រុង ជាទីគោកដែលទឹកមិនលិចក្នុងរដូវវស្សា ។ ដោយហេតុទួលនោះ ជាទីគោកខ្ពស់ទឹកមិនលិចដូច្នោះ ទើបគេហៅ ទួលគោក ។ តមកហៅក្លាយថា ទួលគក មកពីសរសេរជាអក្សរបារាំងថា Kork ។ សព្វថ្ងៃរាជការក្រុងរៀបចំតំបន់នេះទៅជាភូមិមួយដ៏ស្អាតល្អសមរម្យតាមសម័យនិយម : ទួលគោកជាតំបន់ថ្មីមួយក្នុងព្រះរាជធានីភ្នំពេញ ។
បារាំង ( ន.នាមសព្ទ ) [បារ៉័ង]
(ហ្រ្វង្សិ៍ France) ឈ្មោះដែន ឬប្រទេសរបស់បារាំងសែស : ប្រទេសបារាំង, របស់មកពីប្រទេសបារាំង ។ ខ្មែរយើងប្រើជាពាក្យហៅពួកមនុស្សជាតិបារាំងសែសទាំងអស់គ្នាថា បារាំង; ដែនទាំងមូលរបស់បារាំងសែស ក៏ហៅ បារាំង; សំដីនិយាយដោយរួបរួម តាមទម្លាប់របស់ប្រជាជនជាតិខ្មែរខ្លះ, សូម្បីពួកមនុស្សអ្នកប្រទេសអឺរ៉ុបទាំងប៉ុន្មាន ក៏ហៅ បារាំងៗ ដូចគ្នាទាំងអស់; អ្វីទាំងពួងដែលមានដើមកំណើតមកពីប្រទេសអឺរ៉ុបហៅថា បារាំងៗ ទាំងអស់, ដូចយ៉ាង អក្សរបារាំង, ខោបារាំង, ដំឡូងបារាំង, មាន់បារាំង ជាដើម ។ ខ្មែរបុរាណច្រើនហៅអ្វីៗ ដែលមកពីបរទេសថា... ទេស ដូចជា សំពត់ទេស ជាដើម ។
បារាំងសែស ( គុ.គុនសព្ទ, ន.នាមសព្ទ ) [បារ៉័ង--]
(ហ្រ្វង្សេស៍, ហ្រ្វង្សែស (Français Française) ដែលកើត, ដែលមាននៅប្រទេសឬដែនបារាំង; មនុស្សជាតិបារាំង, អ្នកស្រុកបារាំង : ចំណេះបារាំងសែស, ភាសាបារាំងសែស, អក្សរបារាំងសែស, ជាតិបារាំងសែស...។
ប៉ុង ( ន.នាមសព្ទ )
ឈ្មោះជញ្ជីងបារាំងសម្រាប់ថ្លឹងអ្វីៗ ដែលមានទម្ងន់ច្រើន : ជញ្ជីងប៉ុង ។

Next >>

Headley's Khmer-English Dictionary Full Text Search

បារាំង ( n ) [baaraŋ] - detail »
France; French person; European person
បារាំង ( adj ) [baaraŋ] - detail »
to be French; European.