Khmer Dictionary: កន្លែង
Chuon Nath's Khmer-Khmer Dictionary Full Text Search
-
កម្រិត
( ន.នាមសព្ទ )
កន្លែងដែលក្រិត ដែលគូសចំណាំ; បញ្ញត្តិ : មានកម្រិតទុកយ៉ាងនេះ... ។
-
កំណែ
( ន.នាមសព្ទ )
សំណៅ ឬ វិញ្ញាសាដែលគេកែតម្រូវ, កន្លែងដែលគេកែហើយ : សុំឲ្យមើលតាមកំណែមុន ។
-
ក្បិន
( ន.នាមសព្ទ )
រមូរជាយសំពត់សងខាងដែលចុកនៅកន្លែងឆ្នុកក្បិន : មូរក្បិន, ចងក្បិន ។
-
ក្រជឹបក្រជួច
( គុ.គុនសព្ទ, កិ. វិ.កិរិយាវិសេសនៈ ឬ កិរិយាវិសេសន៏ )
ដែលក្រជឹបរឿយៗ, ដែលក្រជឹបច្រើនកន្លែង, ប្រហែលជាក្លាយមកពីពាក្យថាខ្ចឹបក្របួច ឬក្របួចខ្ចឹបទេដឹង ? ព្រោះមានស្នាមដំបៅដែលរឹតរួតរឿយៗ ច្រើនកន្លែងដែលបណ្ដាលឲ្យរួញក្រពិតក្រពឹត ។
-
ក្រឡេក
( កិ.កិរិយាសព្ទ )
មើលចំហៀងភ្នែកដោយរហ័ស គឺមើលភ្លាម ងាកមកវិញភ្លាម ។
- ចាក់ក្រឡេក គឺយកដៃទៅចាក់ ឬ ចុចត្រង់កន្លែងដែលរសើបឲ្យភ្ញាក់, តែកាលណាភ្ញាក់ តោងងាកយ៉ាងរហ័ស; បុរាណយកទំនងត្រង់នេះមកបង្កើតជាពាក្យសម្រាប់និយាយ គឺសំដៅត្រង់ដែល : ចាក់ទៅហើយ នឹងក្រឡេកមិនខាន ។
-
ក្រឺត
( ឧ.ឧទានសព្ទ )
សូរដែលលាន់ឮដោយការសង្កៀតគ្នា ឬ ដោយការសង្កត់លើគ្នា : សូរក្រឺតៗ, ខាំធ្មេញក្រឺតៗ ។ ន. ថ្នាក់ដែលរំកិល ឬ បង្ខិតវត្ថុអ្វីពីកន្លែងមួយ ទៅកន្លែងមួយ : បង្ខិតមួយក្រឺតទៀត, ឡើងមួយក្រឺតទៀត ។
-
ខ្នាច
( ន.នាមសព្ទ )
ថ្លុកកន្លែងជ្រូកស្រុក, ជ្រូកព្រៃ, ក្របី, រមាសដេក : ខ្នាចជ្រូក, ខ្នាចក្របី, ខ្នាចរមាស ។
-
ខ្ពប
( ន.នាមសព្ទ )
កន្លែងថ្នក់ទឹកកើតដោយដីដុះថ្មីឱបច្រាំងចាស់ ។
-
ក
( ន.នាមសព្ទ )
អវយវៈដែលតពីក្បាលទៅស្មា ឬទៅខ្លួននៃមនុស្សសត្វ ។ ដៃជើងមនុស្សក៏មាន កដែរ : កដៃ, កជើង ។ ទងខាងដើមកួរស្រូវក៏ហៅ ក ដែរ :
- កស្រូវ ។ កន្លែងដែលតជាប់ពីមាត់ដបជាដើមចុះទៅទល់នឹងក្អេងក៏ហៅ ក ដែរ : កដប, កក្អម ។
-
កកិល
( កិ.កិរិយាសព្ទ )
[ក៏កិល ]
ទៅដោយគូទពីកន្លែងមួយទៅកន្លែងមួយទៀត : មនុស្សខ្វិនកកិលដូចកូនក្មេង ។
Headley's Khmer-English Dictionary Full Text Search
-
កន្លែង
( n )
[kɑnlaeŋ]
- detail »
place, location; dwelling; open space, tract of land; territory.
-
កន្លែង
( clf )
[kɑnlaeŋ]
- detail »
for locations or places
Eg. ស្ថានីយ ៥ កន្លែង : five stations