Khmer Dictionary: កន្តារ
Chuon Nath's Khmer-Khmer Dictionary Full Text Search
-
មរុកន្តារ
( ន.នាមសព្ទ )
[មៈរុកន់តា ឬ--រ៉ៈ ]
ផ្លូវឆ្ងាយដាច់ស្រយាលប្រកបដោយខ្សាច់, វាលខ្សាច់ល្ហល្ហេវវែងឆ្ងាយគ្មានដើមឈើដុះ, សមុទ្រខ្សាច់ (ម. ព.មើលពាក្យ ( ចូរមើលពាក្យ . . . ) កន្តារ ផង) ។
-
សមុទ្ទ
( ន.នាមសព្ទ )
[សៈម៉ុត]
អន្លង់ទឹកធំធេងជ្រាលជ្រៅល្ហល្ហេវលន្លឹមបាត់ត្រើយ ដែលមានអំបិលឬរសជាតិប្រៃស្មើភាគគ្នានឹងទឹក, សាគរ : ឆ្នេរសមុទ្ទ, មាត់សមុទ្រ ។ បើរៀងភ្ជាប់ពីខាងដើមសព្ទដទៃ អ. ថ. សៈម៉ុត-ទៈ ឬ--ទ្រៈ, ដូចជា សមុទ្ទកន្តា ឬ សមុទ្រកាន្តា សម្លាញ់របស់សមុទ្រ គឺ ទន្លេ, នទី ។
- សមុទ្ទកន្តារ ឬ - សមុទ្រ-- ផ្លូវឆ្ងាយព្រោះការឆ្លងទឹកសមុទ្រ : ការជិះមហានាវាក្នុងសមុទ្ទកន្តារ ត្រូវផ្គង់ស្បៀងអាហារនិងទឹកសាបឲ្យមានជានិច្ច ។
- សមុទ្ទជាត អ្វីៗដែលកើតក្នុងសមុទ្ទ, របស់សមុទ្ទ ។
- សមុទ្របត្នី ប្រពន្ធសមុទ្រ គឺទន្លេ, នទី ។
- សមុទ្រមាលិនី កម្រងសមុទ្រគឺផែនដី ។
- សមុទ្រមេខលា (--ខៈល៉ា) ខ្សែក្រវាត់សមុទ្រគឺផែនដី, ពិភពលោក ។
- សមុទ្រយាត្រា ការដើរសមុទ្រ ។
- សមុទ្រយាន ទូក, សំពៅ, កប៉ាល់ សម្រាប់ដើរសមុទ្រ ។
- សមុទ្រសារ ខ្លឹមសមុទ្រគឺខ្យងសមុទ្រ, ខ្យងស័ង្ខ ។
- សមុទ្ទសុប័ដ្ដន៍ (--បុ័ត) កំពង់មាត់សមុទ្ទ ។ល។
Headley's Khmer-English Dictionary Full Text Search
-
កន្តារ
( n )
[kɑntaa]
- detail »
desert; difficult road